მსაჯთან შეკამათების გამო, ლიონის ოლიმპიკის მთავარი მწვრთნელი, პაულუ ფონსეკა ცხრათვიანი დისკვალიფიკაციით დაისაჯა. დამრიგებელს ეკრძალება რონელთა მატჩებზე დასწრება და გასახდელში შესვლაც კი. ლე ავრთან თამაშის წინ, პორტუგალიელმა დამრიგებელმა ავტობუსიდან გადმოსვლის შემდეგ გაამხნევა თავისი შეგირდები, შემდეგ კი ისევ სატრანსპორტო საშუალებაში ავიდა.
"ლომების" მწვრთნელი ტელეფონის საშუალებით აკონტროლებდა თავისი გუნდის თამაშს და უნდა ითქვას, რომ მისმა შეგირდებმა ყველაფერი ზუსტად შეასრულეს. განსაკუთრებით ეს ითქმის გიორგი მიქაუტაძეზე, რომელმაც შეცვლაზე შემოსვლის შემდეგ, გაიტანა ბურთი და 2 ასისტი გააკეთა.