"მე ვხედავ მწვრთნელს (კონტე), რომელმაც იცის, რას აკეთებს და უპირველეს ყოვლისა, გუნდში ყველამ გააცნობიერა, რომ მისი მოსმენით მათ შეუძლიათ მიაღწიონ იმას, რაც სურთ. მე ვფიქრობ, რომ მარტი-აპრილის ჩათვლით ნაპოლის გარდა სხვა გუნდებიც იქნებიან სკუდეტოსთვის ბრძოლაში ჩართული, მაგრამ როდესაც გუნდში კონტე გყავს, შენი შანსები უფრო იზრდება. მან მოახერხა და ჟუან ჟესუსითა და ლეონარდო სპინაცოლათი გოლი არ გაუშვა საკმაოდ ძლიერი ფიორენტინასგან — ამას ყველა ვერ შეძლებდა. მან კარგად იცის როგორ უნდა ითამაშოს გუნდმა დაცვითი ფეხბურთი, ნებისმიერი მეტოქის წინააღმდეგ.
დარწმუნებული ვარ, კონტე ბედნიერია, რომ კვარაცხელია ამ შეხვედრაში არ იყო. ჩემთვის ქართველი ფეხბურთელი და ლობოტკა ნაპოლის ყველაზე ძლიერი მოთამაშეები არიან, მაგრამ კონტეს იდეებიდან გამომდინარე, რასაც გარედან ვხედავ, ყველა აკეთებს იმას, რასაც მწვრთნელი ავალებს — ხანდახან კვარას ცოტა მეტი თავისუფლება უნდა მისცე და ეს შეიძლება მწვრთნელისთვის პრობლემა იყოს. ლუკაკუმაც უფრო მეტი უნდა გააკეთოს, რადგან ვიცით რა შეუძლია ბელგიელს. ხვიჩა უნდა დაუბრუნდეს იმ სათამაშო კონდიციებს, როგორიც სპალეტის დროს იყო."
ნაპოლი 19 ტურის შემდეგ სერია ა-ს ლიდერია. "პარტენოპეის" 44 ქულა აქვს და მეორე ადგილოსან ატალანტას, 3 ქულით უსწრებს. რაც შეეხება ხვიჩა კვარაცხელიას, ქართველის ანგარიშზე ამ სეზონში 5 გატანილი გოლი და 3 საგოლე გადაცემაა.
