ფორმულა 1-ის 2024 წლის სეზონის ნიდერლანდების გრან პრი ლანდო ნორისმა მოიგო, რომელმაც მეორე ადგილზე გასულ მაქს ვერსტაპენს 22 წამით აჯობა. დაფიქსირებული შედეგი წლევანდელი სეზონის რეკორდია.
აღნიშნული რბოლის დასრულების შემდეგ, მოქმედმა ჩემპიონმა კომენტარი გააკეთა და განაცხადა, რომ ბოლიდს პრობლემები აქვს როგორც სიჩქარის, ასევე საბურავების დეგრადაციის კუთხითაც.
"ბოლიდში რაღაც რიგზე არ არის და ეს პრობლემა ხელს გვიშლის როგორც კვალიფიკაციაში, ასევე რბოლაში. ლიდერს ძალიან ჩამოვრჩით, ასევე საბურავებიც მალე გაცვდა და ეს ძალიან უცნაურია, რადგან ბოლო წლებში მსგავსი პრობლემა არ გვქონია."
"რბოლის დაწყებიდან რამდენიმე წრის შემდეგ, ბოლიდის მართვა უბრალოდ შეუძლებელი გახდა, რამაც ლანდოს მისცა საშუალება ახლოს მოსულიყო. შემდეგ წრეზე კი მარტივად გამასწრო და მე არაფრის გაკეთება არ შემეძლო. საბოლოოდ, მალევე დავნებდი, საბურავების შენახვა დავიწყე და მეორე ადგილის შენარჩუნებაზე გადავერთე" — მაქს ვერსტაპენი.
ვერსტაპენი: "რბოლის დაწყებიდან რამდენიმე წრის შემდეგ, ბოლიდის მართვა უბრალოდ შეუძლებელი გახდა"
211064
