საქართველოს 20-წლამდე მორაგებთა ნაკრებმა მსოფლიო თასის დაწყებამდე რუსთავში გამართა ამხანაგური მატჩი ახალი ზელანდიის თანატოლთა ეროვნულ გუნდთან და მოწინააღმდეგეს 22:19 მოუგო.
უმცროსმა "ბორჯღალოსნებმა" მეტოქის ჩათვლის მოედანში ოთხი ლელო დადეს – თავი მიხეილ შიოშვილმა, დაჩი წიკლაურმა, ლუკა ნარსიამ და ირაკლი ყოლბაიამ გამოიჩინეს.
20-წლამდელთა შორის მსოფლიო თასი 27 ივნისიდან 18 ივლისის ჩათვლით თბილისსა და ქუთაისში გაიმართება. საქართველოს ნაკრები A ჯგუფში მოხვდა, სადაც მისი მოწინააღმდეგეები სამხრეთ აფრიკის, უელსისა და ურუგვაის ეროვნული გუნდები იქნებიან.
