31 მაისს გაიმართება ჩემპიონთა ლიგის ფინალური მატჩი პსჟ-სა და ინტერს შორის, სადაც ქართველი ფეხბურთელი ხვიჩა კვარაცხელიაც ითამაშებს.
LaGazzetta.ge-სთან საუბარში, ლეგენდარული შოთა არველაძე სეზონის კულმინაციური მატჩის მოლოდინებზე კომენტარს აკეთებს.
"ვინც არ უნდა თამაშობდეს, ფინალია, ერთი დღეა, ერთი მატჩია და ყოველთვის რთული სათამაშოა. ყველა ამ მატჩზე ფიქრობს, რადგან პირველ რიგში კვარასთვის და შემდეგ ჩვენთვის, მნიშვნელოვანია, რომ ჩემპიონთა ლიგის თასი ქართველის ხელში კიდევ ერთხელ მოხვდეს.
როგორც უშუალოდ თამაში, დარწმუნებული ვარ, ერთ-ერთი საუკეთესო იქნება. უკვე ვხედავ კვარაცხელიას მონდომებას და ჟინს მოედანზე. ძალიან მინდა, მისმა გუნდმა ეს ფინალი მოიგოს.
დანარჩენი კი უკვე ფეხბურთია და ვნახოთ, რა მოხდება. ნუ გამოვა ისეთი კარგი თამაში, როგორსაც ველით. მთავარია, იმ შედეგით დასრულდეს, რომელიც ყველას გვსურს "
