თამაშის შემდეგ კომენტარი ნეაპოლელთა მთავარმა მწვრთნელმა ანტონიო კონტემ გააკეთა.
"როცა მთელი თამაში ბურთის ფლობა 70% გაქვს, კარში 25-ჯერ არტყამ და გოლი მაინც არ გადის, ცვლილებებია საჭირო. რასპადორის შემოსვლა ჩვენთვის კოზირი იყო, რადგან გოლი მან გაიტანა.
სასიხარულოა, რომ რასპადორის და სხვების სახით, სათადარიგოთა სკამზე ისეთი ფეხბურთელები გვყავს, რომელთაც თამაშში გარდატეხის შეტანა შეუძლიათ.
კვარაცხელიაზე და ნერეშზე იმას ვიტყოდი, რომ მათგან უფრო მეტს ველი, ვიდრე წინა მატჩებში. ზოგადად, შენი ფეხბურთელებისგან იმას უნდა ელოდო, რასაც საკუთარი თავისგან ელი. ეს ფეხბურთელები კი მოედანზე უკეთესის სურვილით უნდა გამოვიდნენ", - განაცხადა კონტემ.
