საქართველოს 16-წლამდე წყალბურთელთა ნაკრებმა, სტამბოლში მიმდინარე ევროპის ჩემპიონატზე, ჯგუფურ ეტაპზე წარმატებით იასპარეზა. ქართველმა წყალბურთელებმა სამი შეხვედრიდან ორი მოიგეს, ჯგუფში მეორე ადგილი დაიკავეს და ევროპის ჩემპიონატის მომდევნო ეტაპზე გავიდნენ.
პირველ შეხვედრაში საქართველოს U16 ნაკრებმა მალტა 11:8 დაამარცხა, მეორე შეხვედრაში მოლდოვას 17:11 სძლია, ნიდერლანდებთან კი 8:16 წააგო.
16 წლამდელთა ევროპის ჩემპიონატზე საქართველოს წყალბურთელთა ნაკრები პირველად ასპარეზობს.
