ამ გუნდების განმეორებითი დაპირისპირება მონტენეგროში, 2 ოქტომბერს შედგება.
მოგებული მატჩის წინ კომენტარი დინამოს თავკაცმა ვალერი გაგუამ და გამარჯვების გოლის ავტორმა, ნიკოლოზ ჩიქოვანმა გააკეთეს.
ვალერი გაგუა: "ვიცოდით, რომ რთული თამაში იქნებოდა. ამ ტურნირზე ეს ჩვენი პირველი მატჩი იყო, დასანანი გოლები გავუშვით, თუმცა მეორე ტაიმში ჩემმა ფეხბურთელებმა კარგად ითამაშეს და მოვიგეთ. ამ თამაშიდან სწორი ანალიზი უნდა გავაკეთოთ და მოვემზადოთ განმეორებითი მატჩისთვის. წინ დიდი გზა გვაქვს გასავლელი"
ნიკოლოზ ჩიქოვანი: "საკმაოდ რთული მეტოქე იყო. 90 წუთის განმავლობაში ბოლომდე ვიბრძოლეთ და მოხარული ვარ, რომ გამარჯვების გოლი გავიტანე. ახლა დროა, უკვე განმეორებითი შეხვედრისთვის მზადება დავიწყოთ. მეორე მატჩშიც ჩვენი მთავარი მიზანი მოგებაა"
