ტურნირზე უკვე ვიხილეთ დაუჯერებელი სენსაცია — 2022 წლის ჩემპიონი, კარლოს ალკარასი მეორე წრეში რეიტინგის 74-ე ჩოგანთან, ვან დე ზანდსხულპისთან 3 სეტში (1-6, 5-7, 4-6) დამარცხდა და ასპარეზობას გამოეთიშა.
"რა უნდა ვთქვა? ძალიან ბევრი შეცდომა დავუშვი და როცა ქამბექზე ფიქრი დავიწყე, უკვე გვიანი იყო. ველოდებოდი, რომ მეტოქე შეცდომებს დაუშვებდა, თუმცა, მან საოცრად ითამაშა და ვერაფერი დავუპირისპირე" — განაცხადა მატჩის შემდეგ ესპანელმა ჩოგბურთელმა.
აღსანიშნავია, რომ კარლოს ალკარასი დიდი სლემის ტურნირებზე მეორე წრეში ბოლოს 2021 წელს დამარცხდა — მაშინ, 18 წლის ჩოგბურთელმა დანილ მედვედევთა წააგო. მას შემდეგ კი, 4-ჯერ მოახერხა დიდი სლემის ტურნირის მოგება, მათ შორის ერთხელ ამერიკის ღია პირველობის გამარჯვებულიც გახდა.
