UFC-ის ჩემპიონმა, ილია თოფურიამ RAC1-თან ინტერვიუში ბარსელონას ფეხბურთელების შესახებ ისაუბრა. ცნობილი ფაქტია, რომ ის არის მადრიდის რეალის ქომაგი, მაგრამ ამის მიუხედავად, ქართველი მებრძოლი კატალონიელთა რამდენიმე მოთამაშის მიმართ სიმპატიებს არ მალავს. ჩემპიონმა გამოარჩია ლამინ იამალი, პედრი გონსალესი და ფერან ტორესი.
"ბარსელონადან იამალს გამოვარჩევდი. ყველაფერს საუკეთესოს ვუსურვებ და მჯერა, რომ მას შეუძლია გახდეს ფეხბურთის ისტორიაში ერთ-ერთი საუკეთესო. კატალონიური კლუბიდან პედრისთან მაქვს კონტაქტი. მისი მამა და ძმა ჩემს რამდენიმე ბრძოლას ესწრებოდნენ. ასევე ჩემი ახლო მეგობარი ფერანიც არის.
ტორესმა მითხრა, რომ მე მისი ცხოვრება შევცვალე. სიმართლე გითხრათ, არ ვიცი, თუ როგორ მოვახერხე ეს, თუმცა მისმა სიტყვებმა ჩემზე იმოქმედა. "ბლაუგრანას" ფორვარდი ძალიან კარგი ადამიანია და ის ცხოვრებაში ნამდვილად სწორ გზაზე დგას", - განაცხადა "ელ მატადორმა", რომელიც 26 ოქტომბერს მაქს ჰოლოუეის წინააღმდეგ საჩემპიონო ქამარს დაიცავს.
