თბილისში, GFC არენაზე, ქართული საბრძოლო ხელოვნების, ,,კრიობას" მორიგი ტურნირი ,,მამბერ 6” ჩატარდა. ღონისძიებაზე 12 ორთაბრძოლა გაიმართა, აქედან 2 სამოყვარულო და 10 პროფესიონალური.
მთვაარ დაპირისპირებაში ლაშა როინიშვილმა სოსლან ქოჩიშვილი დაამარცხა საინტერესო აღმოჩნდა, ლევან კირთაძისა და და დიმიტრი გულბანის ბრძოლა. გამარჯვებულის გამოსავლენად დამატებითი რაუნდი დაინიშნა. საბოლოოდ გამარჯვება ლევან კირთაძეს დარჩა.
"კრიობა" ძველად თბილისსა და საქართველოს დიდ ქალაქებში, ფართოდ გავრცელებული და მოსახლეობისთვის ერთ-ერთი საყვარელი თავშესაქცევი იყო, რომელშიც მონაწილეობას იღებდნენ, როგორც რიგითი მოქალაქეები, ისე თავად-აზნაურები. გამორჩეული მოკრივეები იყვნენ თბილისელი "ყარაჩოხელები" მათგან არაერთის სახელმა მოაღწია დღემდე. თბილისში კრიობის ბრძოლების გამართვა რუსეთის იმპერიამ აკრძალა. მიზეზად, "მოსახლეობის ჯანმრთელობაზე ზრუნვა" დასახელდა, რეალური მოტივი კი ქართველებში საბრძოლო სულისკვეთების და ბრძოლისუნარიანობის შემცირება იყო.
საქართველოს დამოუკიდებლობის მოპოვების შემდეგ, მკვლევართა ჯგუფმა კახაბერ ზარნაძის თაოსნობით გამოიკვლია და აღადგინა ქართული საბრძოლო ხელოვნების სხვადასხვა მივიწყებული სახეობები. მათ შორის ერთ-ერთი გამორჩეულია "კრიობა".
საშეჯიბრო წესების შემუშავების შემდეგ, 2020 წლიდან საქართველოს სპორტის ტრადიციული სახეობების და თამაშების ასოციაციის მიერ „კრიობის“ ჩემპიონატი ყოველ წლიურად იმართება.
„კრიობის“ ტურნირის მხარდამჭერია, საქართველოს სპორტის სამინისტრო, თბილისის მერიის სპორტისა და ახალგაზრდულ საქმეთა საქალაქო სამსახური და კულტურის, სპორტის ტურიზმისა და ახალგაზრდობის ფონდი.
