ფორმულა 1-ის 2002 წლის სეზონში, მიხაელ შუმახერმა დაამყარა რეკორდი, რომელიც უკვე 22 წელია ვერავინ გაიმეორა და დიდი ალბათობით, კიდევ არაერთი წელი დარჩება მიუწვდომელი.
2002 წელს, ლეგენდარულმა გერმანელმა მრბოლელმა ყველა რბოლაზე მოახერხა სამეულში მოხვედრა და შესაბამისად, პოდიუმზე ასვლა — მაშინ, 17 გრან პრი გაიმართა და საერთო ჯამში, შუმახერმა ჩემპიონატი 144 ქულით მოიგო.
აღსანიშნავია, რომ მიხაელ შუმახერს ასევე ეკუთვნის ზედიზედ პოდიუმზე ასვლის რეკორდიც — 2001 წლის აშშ-ის გრან პრიდან მოყოლებული 2002 წლის იაპონიის გრან პრიმდე, გერმანელმა პილოტმა ზედიზედ 19-ჯერ დააფინიშა სამეულში.
ზედიზედ 19 პოდიუმის რეკორდთან ყველაზე ახლოს 2014-15 წლებში ლუის ჰემილტონი მივიდა, რომელიც 16-ჯერ გავიდა სამეულში, ხოლო 15-ჯერ შეძლეს პოდიუმზე ასვლა ფერნანდო ალონსომ და მაქს ვერსტაპენმა.
ცნობისთვის, შუმახერი და ჰემილტონი ერთი უნიკალური რეკორდის თანამფლობელები არიან — ორივე მათგანმა ზედიზედ 15 სეზონში მოახერხა მინიმუმ 1 რბოლის მოგება.
შუმახერმა 2002 წელს რეკორდი დაამყარა, რომელიც დღემდე ვერავინ გაიმეორა
