თურქულ პრესაში აქტიურად იწერება შოთა არველაძის ტრაბზონსპორში დაბრუნების შესახებ. შეგახსენებთ, რომ ლეგენდარული თავდამსხმელი "ზღვისპირელებში" თამაშობდა 1993-1997 წლებში და ასევე 2015 წელს ის აღნიშნული გუნდის დამრიგებელიც იყო. გავრცელებული ინფორმაციით, ყოფილი ქართველი ფორვარდის თურქულ კლუბში დაბრუნების ინიციატორი არის გუნდის ამჟამინდელი სპეციალისტი, შენოლ გიუნეში.
საქართველოს ნაკრების ყოფილი თავდამსხმელი "ლურჯ-წითლებში" სწორედ თურქი მწვრთნელის ხელმძღვანელობით თამაშობდა. რაც შეეხება ვეტერანი ფორვარდის საქმიანობას, პრესაში ვრცელდებოდა 3 ვერსია: სპორტული დირექტორი, ტექნიკური დირექტორი და საფეხბურთო დირექტორი. აღნიშნულ ფაქტთან დაკავშირებით კომენტარი გააკეთა პაპარა პარკის ბინადრების პრეზიდენტმა, ერთუღრულ დოღანმა.
თურქმა ბინზესმენმა აღნიშნა, რომ მისმა კლუბმა 51 წლის მწვრთნელთან შეთანხმების მიღწევა ვერ მოახერხა - "გვქონდა მოლაპარაკებები, რომელიც წარუმატებლად დასრულდა. არველაძესთან შეთანხმების მიღწევა ვერ შევძელით. გიუნეშს მართლაც სურდა მისი ხილვა ტრაბზონში. სხვა კანდიდატებიც გვყავს", - განაცხადა "ზღვისპირელთა" პრეზიდენტმა.
