გამოცდილ სპეციალისტს ლუის ენრიკეს ყველაფერი უმაღლეს დონეზე აქვს დალაგებული და ამაში კლუბიც ხელს უწყობს. შეიძლება ითქვას, კვარაცხელია ევროპული ფეხბურთის მწვერვალზეა მოხვედრილი.
ბევრი სხვა მწვრთნელის მსგავსად, ლუის ენრიკეს მთავარი მოთხოვნა დისციპლინაა. მატჩისწინა შეკრებაზე, საუზმის, ლანჩის, ვახშმის და თეორიის დროს ფეხბურთელებს ტელეფონების გამოყენება აკრძალული აქვთ. კვება სავალდებულოა ყველა მოთამაშისთვის და ისინი უნდა იყვნენ სასადილო ოთახში ზუსტად იმ დროს, როცა კვებაა ჩანიშნული. წინააღმდეგ შემთხვევაში მოთამაშეები დაჯარიმდებიან ან მატჩის განაცხადიდან ამოიშლებიან.
ექიმებთან შეთანხმებით, ლუის ენრიკეს ფეხბურთელებისთვის თავისი კვების რაციონი აქვს, სადაც ძირითადად ბოსტნეული და ხილი დომინირებს.
ენრიკე ფეხბურთელებს ფლეისთეიშენის თამაშს არ უკრძალავს, მაგრამ კომპიუტერული თამაშებით გართობის ნებას შეზღუდული დროით რთავს, რათა ფეხბურთელებმა ეკრანებთან დიდი დრო არ გაატარონ.
ასევე, საინტერესო წესია ის, რომ თუ ვარჯიშის შემდეგ, ფეხბურთელს საღამოს ქალაქში გასვლა სურს, მაგალითად რესტორანში ახლობლების გამასპინძლება და ა.შ, ყველაფრის საორგანიზაციო საკითხებს მთლიანად კლუბი აგვარებს, იქნება ეს რესტორნის დაჯავშნა თუ სხვა. ამასთანავე, კლუბი ვალდებულია, რომ თავისი ფეხბურთელის საცხოვრებლის დაცვა სრულად უზრუნველყოს.
დაახლოებით ერთი წლის წინ, პსჟ-მ გახსნა თავისი ბაზა, "PSG Campus", სადაც პსჟ ყოველდღიურად ვარჯიშობს. ბაზა საკმაოდ დიდ ჰექტარზეა გაშენებული და შიგნით გაერთიანებულია პსჟ-ს ფეხბურთის, ძიუდოს, ხელბურთის და სხვა სპორტის სახეობის გუნდები. მათი მიზანია, რომ ყველაფერი, რაც პსჟ-ს იდენტობის მატარებელია, ერთ სივრცეში იყოს მოთავსებული. რა თქმა უნდა, ბაზაზე აბსოლუტურად ყველანაირი პირობაა, რომ სპორტსმენმა იცხოვროს, ივარჯიშოს, დაისვენოს და ამა თუ იმ თამაშისთვის მოემზადოს.
პსჟ-ს აკადემიის ფეხბურთელებს დიდ გუნდთან ახლოს ავარჯიშებენ, რათა თავიდანვე შეაჩვიონ დიდი გუნდის ცხოვრების რუტინას. კლუბის გეგმები მომავალზეა გათვლილი და აკადემიის ფეხბურთელებს განსაკუთრებული ყურადღება ექცევათ.
პსჟ-ს კამპუსს აქვს სპეციალური ასაფრენ-დასაფრენი ბილიკი, სადაც ფეხბურთელებს, ხელმძღვანელებს ან სპეციალურ სტუმებს საშუალება აქვთ არა პარიზის ცენტრალურ აეროპორტში, არამედ პირდაპირ პსჟ-ს ბაზაზე მოხვდნენ.
პსჟ-ს კამპუსს აქვს სპეციალური ასაფრენ-დასაფრენი ბილიკი, სადაც ფეხბურთელებს, ხელმძღვანელებს ან სპეციალურ სტუმებს საშუალება აქვთ არა პარიზის ცენტრალურ აეროპორტში, არამედ პირდაპირ პსჟ-ს ბაზაზე მოხვდნენ.
იცვლებიან ფეხბურთელები, მაგრამ იდეალოგია იგივეა - კლუბისთვის არ არსებობს ავტორიტეტი. ის იდეოლოგია, რაც ლუის ენრიკემ გუნდში ხელმძღვანელობასთან ერთად დანერგა, ყველასთვის თანაბრად მოქმედებს.
ფეხბურთთან ახლოს #3 | ლეგიონერები სანაკრებო მატჩებს ბრწყინვალე ფორმაში ხვდებიან
