იმის მიუხედავად, რომ რუბენ ამორიმის გუნდი ამ მატჩს ცუდ ფორმაში შეხვდა, "წითელმა ეშმაკებმა" საკმაოდ კარგი პერფორმანსი შემოგვთავაზეს და მრისხანე მეტოქეს ქულებიც დააკარგვინეს. მატჩი ფრედ, 2-2 დასრულდა.
ლივერპულის მხრიდან თავის გამოჩენა კოდი გაკპომ და მო სალაჰმა შეძლეს. ხოლო რაც შეეხება იუნაიტედის მხრიდან გოლების ავტორებს, ლისანდრო მარტინესმა და ამად დიალომ ალისონ ბეკერის კარი აიღეს.
ამ მატჩის შემდეგ ლივერპულმა 46 ქულას მოუყარა თავი და მეორე ადგილოსან არსენალს 6 ქულით გაექცა. აუცილებლად უნდა ვთქვათ ისიც, რომ არნე სლოტის გუნდს ერთი მატჩით ნაკლები აქვს ჩატარებული. რაც შეეხება მანჩესტერ იუნაიტედს, რუბენ ამორიმის გუნდმა 23 ქულა მოაგროვა და მე-13 პოზიციაზე გადავიდა.
