ეს იქნება ახალი სერვისის, Silk Play-ს, პირველი ივენთი. ტურნირი ნონა გაფრინდაშვილის სახელს ატარებს, რომელიც 16 წელზე მეტია მსოფლიო საჭადრაკო მწვერვალზე იმყოფებოდა. პრესკონფერენცია გაიხსნა ტურნირის ანონსით, რის შემდეგადაც სიტყვა ქალბატონ ნონას გადაეცა. მან, პირველ რიგში, ქართველი ოლიმპიელების წარმატებაზე ისაუბრა და აღნიშნა, რამდენად მნიშვნელოვანია მათი მედლები სრულიად საქართველოსთვის.
ქალბატონმა ნონამ განსაკუთრებით გამოყო ლაშა ბექაური, რომელიც ორგზის ოლიმპიური ჩემპიონი გახდა. ის სულ რაღაც 24 წლისაა და სრულიად შესაძლებელია, რომ დაპირებულ 4 ოლიმპიურ ოქროს მიაღწიოს. ნონა გაფრინდაშვილმა, ასევე, ისაუბრა ჭადრაკის მიღწევებზე კოვიდის პანდემიის დროს – როდესაც თითქმის ყველა ტრადიციული სპორტის სახეობა გაჩერებული იყო, ჭადრაკმა მარტივად გადაინაცვლა ონლაინ სივრცეში და არც ერთი ტურნირი არ ჩაშლილა – სამოყვარულო დონიდან დაწყებული და დიდოსტატებით დამთავრებული.
ასევე, ჭადრაკი არის სპორტის სახეობა, რომელშიც ყველაზე მეტი ქვეყნის წარმომადგენელი თამაშობს პარიზის ოლიმპიადაზე. ქალბატონი ნონას სიტყვით გამოსვლის შემდეგ, ორგანიზატორებმა ფორმატზე ისაუბრეს. ონლაინ ჩემპიონატი ოლიმპიური სისტემით გაიმართება 5-წუთიან ბლიცში. რეგისტრაციის და მართვის სიმარტივისთვის იყო არჩეული პლატფორმა Challengermode.
მონაწილეობის მისაღებად მოთამაშეები უნდა დარეგისტრირდნენ როგორც ამ პლატფორმაზე, ასევე Lichess-ზე, რომელზეც გაიმართება მატჩები. მონაწილეობის მიღება შეიძლება როგორც კომპიუტერით, ასევე მობილური ტელეფონის მეშვეობით. ტურნირს არ გააჩნია მოჭადრაკეთა ELO-რეიტინგის ზედა ზღვარი, შეზღუდვა მხოლოდ ორია: მონაწილე უნდა იყოს საქართველოს მოქალაქე და თამაშობდეს ქართული IP-მისამართიდან.
ორგანიზატორთა თქმით, ხუთწუთიან ბლიცზე არჩევანი შეჩერდა ქალბატონი ნონას რჩევით, ასევე კომპიუტერის და სხვაგვარი “ჩეთების” ალბათობის დასაწევად, მაგრამ არაკანონიერი ქმედებების მთლიანად გამორიცხვა რთულია დიდ ივენთებზეც კი – ბევრს სმენია მაგნუს კარლსენისა და ჰანს ნიმანის სკანდალის შესახებ.
ორგანიზატორებმა ასევე დასძინეს, რომ Silk Play არ გაჩერდება მხოლოდ ჭადრაკზე და მომავალში მოთამაშეები შეძლებენ მონაწილეობა მიიღონ მსოფლიოში პოპულარულ კიბერსპორტულ თამაშებში კომპიუტერზე, კონსოლებსა და მობილურებზე. კონკრეტული თამაშები დასახელებული არ იყო, მაგრამ კომპანიის ვებგვერდზე არსებული ინფორმაციით სავარაუდოა, რომ ეს, პირველ რიგში, Counter-Strike 2 და PUBG Mobile იქნება.
ნონა გაფრინდაშვილის სახელობის პირველი ონლაინ საჭადრაკო ტურნირი დღეს 20:00 საათზე დაიწყება და ყოველკვირეულ სახეს მიიღებს. ორგანიზატორებმა და ქალბატონმა ნონამ დაამატეს, რომ შეიძლება წლის ბოლოს საუკეთესო მოთამაშეების წინაამღდეგ 5-10-კაციანი სეანსიც კი გაიმართოს.
ორგანიზატორთა თქმით, ხუთწუთიან ბლიცზე არჩევანი შეჩერდა ქალბატონი ნონას რჩევით, ასევე კომპიუტერის და სხვაგვარი “ჩეთების” ალბათობის დასაწევად, მაგრამ არაკანონიერი ქმედებების მთლიანად გამორიცხვა რთულია დიდ ივენთებზეც კი – ბევრს სმენია მაგნუს კარლსენისა და ჰანს ნიმანის სკანდალის შესახებ.
ორგანიზატორებმა ასევე დასძინეს, რომ Silk Play არ გაჩერდება მხოლოდ ჭადრაკზე და მომავალში მოთამაშეები შეძლებენ მონაწილეობა მიიღონ მსოფლიოში პოპულარულ კიბერსპორტულ თამაშებში კომპიუტერზე, კონსოლებსა და მობილურებზე. კონკრეტული თამაშები დასახელებული არ იყო, მაგრამ კომპანიის ვებგვერდზე არსებული ინფორმაციით სავარაუდოა, რომ ეს, პირველ რიგში, Counter-Strike 2 და PUBG Mobile იქნება.
ნონა გაფრინდაშვილის სახელობის პირველი ონლაინ საჭადრაკო ტურნირი დღეს 20:00 საათზე დაიწყება და ყოველკვირეულ სახეს მიიღებს. ორგანიზატორებმა და ქალბატონმა ნონამ დაამატეს, რომ შეიძლება წლის ბოლოს საუკეთესო მოთამაშეების წინაამღდეგ 5-10-კაციანი სეანსიც კი გაიმართოს.
