2025 წლის ზამთრის სატრანსფერო ფანჯრის ერთ-ერთი მთავარი გარიგება უკავშირდება ქართველ ლეგიონერს, ხვიჩა კვარაცხელიას, რომელიც 70 მილიონი ევროს სანაცვლოდ ნაპოლიდან პარის სენ-ჟერმენში გადავიდა. საინტერესოა, რომ ზოგადად ფრანგულმა კლუბებმა 2025 წლის იანვარში €209.7 მილიონი დახარჯეს.
ეს ნიშნავს იმას, რომ ლიგა 1-ის ზამთრის სატრანსფერო ბაზარზე დახარჯული მთლიანი თანხის თითქმის ერთი მესამედი სწორედ ქართველი შემტევის გაფორმებაზე დაიხარჯა. შეგახსენებთ იმასაც, რომ 7 თებერვალს, მონაკოსთან მატჩში, პსჟ-ს ახალწვეულმა ვინგერმა უკვე სადებიუტო ბურთის გატანაც მოასწრო.
