ახალი ზელანდიის ქალაქ დანიდინში მიმდინარე 2025 წლის ყინულის ჰოკეის მსოფლიო ჩემპიონატის მე-2 დივიზიონის B ჯგუფის შეხვედრაში საქართველოს ეროვნულმა ნაკრებმა პირველი მატჩი გამარტა. ჩვენმა გუნდმა ისლანდიის ეროვნულ ნაკრებს 4:0 მოუგო.
მატჩში დუბლით თავი გამოიჩინა ნიკიტა ბუკიამ. საქართველოს ნაკრების ახალწვეულმა, ტიმურ ბეშაროვმა უპირატესობა სამამდე გაზარდა, საბოლოო ანგარიში 4:0 კონსტანტინ გავრილენკომ (ახალწვეული) დააფიქსირა.
შემდეგ მატჩს საქართველოს ეროვნული ნაკრები ტურნირის მასპინძელ, ფავორიტ ახალი ზელანდიის ეროვნული ნაკრების წინააღმდეგ გამართავს.
ტურნირში გამარჯვებული პირველადგილოსანი გუნდი აღზევდება მე-2 დივიზიონის A ჯგუფში. საქართველოს ყინულის ჰოკეის ეროვნული ნაკრები დაკომპლექტებულია როგორც ადგილობრივ ჩემპიონატში მოასპარეზე მოთამაშეებით, ასევე ლეგიონერებით.
2025 წლის ყინულის ჰოკეის მსოფლიო ჩემპიონატის მე-2 დივიზიონის B ჯგუფის მატჩების განრიგი
28 აპრილი. 12:00. საქართველო - ახალი ზელანდია
30 აპრილი. 08:30. საქართველო - ბულგარეთი
2 მაისი. 05:00. საქართველო - ჩინეთი ტაიპეი
3 მაისი. 05:00. საქართველო - ტაილანდი
