საქართველოს ყინულის ჰოკეის ეროვნული ნაკრები 2025 წლის მსოფლიო ჩემპიონატის მე-2 დივიზიონის B ჯგუფის გამარჯვებულია.ახალი ზელანდიის ქალაქ დანიდინში გამართული ტურნირის ბოლო მატჩში, საქართველოს ყინულის ჰოკეის ნაკრებმა ტაილანდი 15:1 დაამარცხა. საქართველოს ნაკრებიდან 4 გოლი დანილ დავიდოვმა, სამი - არტიომ კოზიულინმა გაიტანა, დუბლი ტიმურ ბეშაროვმა გაიფორმა, თითო გოლი კი კონსტატინ გავრილენკოს, დანილ მეტლიუკის, მაკარ ნიკიშანინის, ალექსანდრ კირეევის, ივან შვეცოვისა და ბორის კოჩკინის ანგარიშზეა.
ჩვენმა გუნდმა ჯგუფურ ეტაპზე ხუთი შეხვედრა ჩაატარა და ხუთივე მოიგო, ტურნირი პირველ ადგილზე დაასრულა და მსოფლიო ჩემპიონატის მე-2 დივიზიონის A ჯგუფში დაწინაურდა.
საქართველოს ყინულის ჰოკეის ნაკრებმა მე-2 დივიზიონის B ჯგუფში ტაილანდთან გამარჯვებამდე, ისლანდიას 4:0 მოუგო, ტურნირის მასპინძელი და ფავორიტი ახალი ზელანდია 5:0 დაამარცხა, ბულგარეთი 8:7 სძლია, ჩინეთის ტაიპესთან კი 3:1 გაიმარჯვა.
