დღეს საქართველოს ქალ ფეხბურთელთა ეროვნულმა ნაკრებმა ევროპის ჩემპიონატის კვალიფიკაციის ჯგუფური ეტაპის დასკვნითი მატჩი ლიეტუვასთან სტუმრად ჩაატარა და ანგარიშით 0:1 მოიგო.
88-ე წუთზე თეონა ბაქრაძემ თერთმეტმეტრიანი გამოიმუშავა, რომელიც მაიკო ბებიამ ზუსტად შეასრულა.
ამ გამარჯვებით საქართველოს ქალ ფეხბურთელთა ეროვნულმა ნაკრებმა ერთა ლიგის C დივიზიონის პირველ ჯგუფში 10 ქულა დააგროვა, მეორე ადგილი დაიკავა (3 მოგება, 1 ფრე, 2 წაგება) და C ლიგის სამ საუკეთესო მეორეადგილოსანს შორის მოხვდა, რაც იმას ნიშნავს, რომ ჩვენი გუნდი ევროპის ჩემპიონატზე მოსახვედრად ბრძოლას ახლა უკვე პლეიოფში გააგრძელებს.
საქართველოს ნაკრების მეტოქის ვინაობა წილისყრის შედეგად, 19 ივლისს გაირკვევა. ორრაუნდიანი პლეიოფის მატჩები შემოდგომაზე გაიმართება.
ამ გამარჯვებით საქართველოს ქალ ფეხბურთელთა ეროვნულმა ნაკრებმა ერთა ლიგის C დივიზიონის პირველ ჯგუფში 10 ქულა დააგროვა, მეორე ადგილი დაიკავა (3 მოგება, 1 ფრე, 2 წაგება) და C ლიგის სამ საუკეთესო მეორეადგილოსანს შორის მოხვდა, რაც იმას ნიშნავს, რომ ჩვენი გუნდი ევროპის ჩემპიონატზე მოსახვედრად ბრძოლას ახლა უკვე პლეიოფში გააგრძელებს.
საქართველოს ნაკრების მეტოქის ვინაობა წილისყრის შედეგად, 19 ივლისს გაირკვევა. ორრაუნდიანი პლეიოფის მატჩები შემოდგომაზე გაიმართება.
შეგახსენებთ, რომ პლეიოფის ფარგლებში ევროპის ჩემპიონატის საგზურისთვის A, B და C ლიგის 28 გუნდი ევროპის ჩემპიონატის 7 საგზურისთვის იბრძოლებს.
ფოტო: საქართველოს ფეხბურთის ფედერაცია
