ცნობილია ევრო 2026-ის წილისყრის კალათები, საქართველოს ხელბურთელთა ნაკრების მეტოქეების ვინაობა 15 მაისს გაირკვევა.
შეგახსენებთ, 2026 წელს, ევროპის ჩემპიონატს, რომელიც იანვარში გაიმართება, სამი ქვეყანა - დანია, შვედეთი და ნორვეგია უმასპინძლებს.
1კალათა: საფრანგეთი (ევროპის ჩემპიონი) დანია, შვედეთი (მასპინძლები), გერმანია, უნგრეთი, სლოვენია
2 კალათა: პორტუგალია, ნორვეგია (მასპინძელი), ისლანდია, ხორვატია, ესპანეთი, ფარერები
3 კალათა:ა ვსტრია, ნიდერლანდები, მონტენეგრო, ჩეხეთი, პოლონეთი, ჩრდილო მაკედონია
4 კალათა: საქართველო, სერბეთი, შვეიცარია, რუმინეთი, უკრაინა, იტალია
კალათებში გუნდები შემდეგი პრინციპით გადანაწილდნენ - შესარჩევ ეტაპზე პირველ ადგილზე გასული - გერმანია, უნგრეთი და სლოვენია რეიტინგით მოხვდნენ პირველ კალათაში, ევროპის ჩემპიონ (საფრანგეთი) და ორ მასპინძელთან (დანია, შვედეთი) ერთად. დანარჩენი 5 პირველადგილოსანი, მასპინძელ ნორვეგიასთან ერთად მეორე კალათაში განითესა. მეორე ადგილოსანი 6 გუნდი რეიტინგის მიხედვით იკავებს ადგილს მესამე კალათაში, ხოლო ორი მეორე ადგილოსანი, საქართველო და სერბეთი, 4 მესამეადგილოსანთან ერთად მეოთხე კალათში მოთავსდება.
კენჭისყრა 15 მაისს დანიაში გაიმართება, სადაც ექვსი ოთხგუნდიანი ქვეჯგუფი გამოვლინდება. საქართველოს ნაკრებს თითო მეტოქე შეხვდება 1, 2 და 3 კალათიდან. ჯგუფიდან შემდეგ ეტაპზე 2-2 გუნდი გადის.
