2024 წლის ფუტსალის მსოფლიო ჩემპიონატის შესარჩევი ეტაპის მატჩებში, საქართველოს ნაკრებს ტექნიკური წაგება, 5-0 ჩაეთვალა.
UEFA-ს მიერ გავრცელებული განცხადების მიხედვით, საქართველოს ნაკრების ღირსებას ფინეთთან და პორტუგალიასთან მატჩებში ლეგიონერები იცავდნენ, რაც რეგლამენტის დარღვევაა.
საქართველოს ნაკრებმა შესარჩევ ეტაპზე ფინეთი თბილისში 5-2 დაამარცხა, ხოლო ტურკუში მატჩი ფრედ 3-3 დასრულდა. პორტუგალიასთან კი გასვლაზე 3-1 დამარცხდა და სახლში 2-1 მოიგო. სწორედ აღნიშნულ 4 შეხვედრაში ჩაეთვალა საქართველოს ტექნიკური წაგება.
პორტუგალიის და ფინეთის საჩივრის დაკმაყოფილების შემდეგ, საქართველოს ფუტსალის ნაკრები ჯგუფში მესამე ადგილზე გავიდა და მსოფლიო ჩემპიონატის საკვალიფიკაციო ეტაპს გამოეთიშა.
საქართველოს ფუტსალის ნაკრებს პორტუგალიასთან და ფინეთთან ტექნიკური წაგება ჩაეთვალა
