საქართველოს ფუტსალის ეროვნულმა ნაკრებმა ესტონეთთან პირველი ამხანაგური მატჩი გამართა. შეხვედარ თბილისის ოლიმპიურ სასახლეში გაიმართა და ქართველთა გამარჯვებით, 5:0 დასრულდა.
ავთანდილ ასათიანის გაწვრთნილმა გუნდმა პირველი ტაიმი გიორგი ღავთაძის ეფექტური გოლით მოიგო. მეორე ნახევარსი კი გოლები არჩილ სებისკვერაძემ, გიორგი ჩიმაკაძემ, საბა ტყეშელაშვილმა და ლევან სვანიძემ გაიტანეს.
ესტონეთის წინააღმდეგ მეასე სანაკრებო მატჩი ჩაატარა ჩვენი გუნდის მეკარემ, თორნიკე ბუკიამ, რომელიც ესტონეთთან შეხვედრაში საქართველოს ნაკრების კაპიტანი იყო.
საქართველოს და ესტონეთის ნაკრებების მეორე ამხანაგური მატჩი 10 ნოემბერს გაიმართება. შეხვედრა თბილისის ოლიმპიურ სასახლეში 17:00 საათზე დაიწყება.
ფოტო: საქართველოს ფეხბურთის ფედერაცია
