საქართველოს ამერიკული ფეხბურთის ეროვნული ნაკრები ოაზისის თასის ვიცე-ჩემპიონია. ტურნირი ფლეგ-ფეხბურთის ეგიდით მიმდინარეობდა, რომელიც უკვე მეორე წელია აბუ დაბიში (ემირატები) იმართება და აზიის ქვეყნები იღებენ მონაწილეობას.
საქართველო მიწვეული გუნდის სტატუსით იღებდა მონაწილეობას, სადაც ჩვენმა ბიჭებმა 4 თამაში მოიგეს, და ფინალში დაძაბულ ბრძოლაში დუბაის გუნდთან დამარცხდნენ, რომელიც ძირითადად ამერიკელებით არის დაკომპლექტებული.
ჩვენი გუნდის ლიდერი - ლაშა უნგიაძე ტურნირის საუკეთესო შემტევ სპორტსმენად დასახელდა.
ამ ტურნირზე ასპარეზობით საქართველოს ნაკრებმა უდიდესი გამოცდილება მიიღო, რაც ევროპის ჩემპიონატისთვის მოსამზადებლად შესანიშნავი შესაძლებლობაა. ევროპის ჩემპიონატი 25-27 სექტემბერს, პარიზში (საფრანგეთი) იმართება.
ჯგუფური ეტაპი:
საქართველო - ამბუშ (აბუ დაბი, ემირატები) 12-13
საქართველო - ვაილდ ქეთს (აბუ დაბი, ემირატები) 14-6
საქართველო - ნოუმედს (ყატარი) 29-20
¼ ფინალი: საქართველო- ალ ქადსია (ქუვიეთი) 14-6
½ ფინალი: საქართველო - ბუმა (იორდანია) 26:0
ფინალი: საქართველო - ნინჯას (დუბაი, ემირატები) 13-29
