რამაზ სვანაძის გუნდმა ევროპის ჩემპიონატის შესარჩევი ციკლის ჯგუფური ეტაპის ბოლო მატჩში ჩრდილოეთ მაკედონია დაძაბულ ბრძოლაში 2:1 დაამარცხა. ჯგუფში მეორე ადგილი დაიკავა და ისტორიაში პირველად, ევროპის ჩემპიონატის საკვალიფიკაციო ეტაპის პლეი-ოფში თამაშის უფლება მოიპოვა.
საქართველომ ექვს გუნდიან ჯგუფში მეორე ადგილი დაიკავა, რაც ასევე ისტორიული შედეგია, როგორც პოზიციით ასევე დაგროვებული ქულებით.
ევროპის ჩემპიონატის საკვალიფიკაციო ეტაპის პლეი-ოფში საქართველოს U21 ნაკრები ხორვატიასთან 2 მატჩს გამართავს, 15 ნოემბერს საქართველოში, 19 ნოემბერს კი ხორვატიაში. გამარჯვებული გუნდი ევროპის ჩემპიონატზე ასპარეზობის უფლებას მოიპოვებს.
ფოტო: საქართველოს ფეხბურთის ფედერაცია
