მაკლარენის ავსტრალიელმა პილოტმა სტარტი მეორე პოზიციიდან აიღო, თუმცა, რბოლის მე-20 წრეზე ლეკლერს გადაასწრო და პირველობა ბოლომდე შეინარჩუნა.
მეორე ადგილზე სწორედ ფერარის 26 წლის მონეგასკი მრბოლელი გავიდა, ხოლო მესამე პოზიცია მოულოდნელად, მერსედესის ბრიტანელ პილოტს, ჯორჯ რასელს დარჩა.
აღსანიშნავია, რომ რბოლის დასრულებამდე ორი წრით ადრე, მე-3 და მე-4 ადგილებისთვის მებრძოლი საინსი და პერესი ერთმანეთს შეეჯახნენ და გრან პრის დასრულება ვეღარ მოახერხეს.
ჩემპიონატის ლიდერებმა, ნორისმა და ვერსტაპენმა კი მე-4 და მე-5 ადგილები გაიყვეს — ლანდომ მაქსს უსწრაფესი წრის ხარჯზე 3 ქულით აჯობა და 7 რბოლით ადრე 59 ქულაში მიუახლოვდა.
კონსტრუქტორთა დავაში ლიდერობა დაკარგა რედ ბულმა და პირველ ადგილზე მაკლარენი გადავიდა. ბრიტანულ გუნდს 476 ქულა აქვს და ავსტრიელებს 20 ქულით უსწრებს. მესამეზე კი ფერარია 425 ქულით.
აზერბაიჯანის გრან პრის ტოპ 10:
ფორმულა 1-ის მიმდინარე სეზონის შემდეგ, რიგით მე-18 გრან პრიც საქალაქო ტრასაზე ჩატარედება, რომელსაც სინგაპური უმასპინძლებს — რბოლა ზუსტად 1 კვირაში გაიმართება.
