საქართველოს ნაკრების მთავარმა მწვრთნელმა, ვილი სანიოლმა, RMC Sport-თან თავისი შეგირდის, გიორგი მიქაუტაძის, შესახებ ისაუბრა. სპეციალისტი შეეხო ქართველი ფორვარდის მეციდან ამსტერდამის აიაქსში ტრანსფერს და აღნიშნა, რომ ერიდივიზიაში განცდილი წარუმატებლობის შემდეგ, ის კიდევ უფრო ძლიერი დაბრუნდა.
"მიქაუტაძე ნიჭიერი თავდამსხმელია, უბრალოდ ის გვიან გაიხსნა. აშკარაა, რომ ლიონის აკადემიაში რაღაც აკლდა. მან ძალიან ბევრი იშრომა იმისთვის, რომ იქ აღმოჩენილიყო, სადაც ახლა არის. აიაქსში წარუმატებლობა? - დიახ, ქართველმა ფორვარდმა იქ ვერ დაიმკვიდრა ადგილი, მაგრამ ის არ გამტყდარა, პირიქით.
ჟორჟი ამსტერდამიდან კიდევ უფრო ძლიერი დაბრუნდა. ის საკუთარი თავის გადატვირთვის პროცესშია და ლოთარინგიელების ლიგა 1-ში დატოვებას ცდილობს", - განაცხადა ფრანგმა დამრიგებელმა.
შეგახსენებთ, რომ "ლეს გრენატსის" ფორვარდმა, საფრანგეთის ჩემპიონატის მიმდინარე სეზონში, უკვე 10 ბურთის გატანა მოასწრო.
Ligue 1
სანიოლი: "აიაქსში განცდილმა წარუმატებლობამ მიქაუტაძე გააძლიერა"
