პსჟ-მ რენი 4:1 გაანადგურა. პარიზელთა ქართველი შემტევი ხვიჩა კვარაცხელია მოედანზე 65-ე წუთზე შევიდა და ამ მცირე დროში იმდენი ქნა, რომ მატჩის შემდეგ ყველა მასზე საუბრობდა. მისი ჰაერში ახტომა და ბურთის ეფექტური ჩამოღება მთელი ევროპული ფეხბურთის სალაპარაკო გახდა.
ნავსი გატეხილია - ჰაიდენჰაიმის ფორვარდმა ბუდუ ზივზივაძემ ბუნდესლიგაში სადებიუტო გოლი გაიტანა. ჰოფენჰაიმთან მატჩში ისიც შეცვლიდან შევიდა და გუნდს ქულა მოუპოვა. SofaScore-ს ვერსიით, ზივზივაძე ტურის სიმბოლურ გუნდში მოხვდა.
სომხეთთან მატჩში ჩვენი ნახევარდაცვის ხაზი საიმედო ხელშია. თავი ოთარ კიტეიშვილმაც გამოიჩინა და გიორგი ქოჩორაშვილმაც. კიტეიშვილმა თავური გოლი გრაცურ დერბიში გაიტანა და მისმა გუნდმა 2:1 მოიგო, ქოჩორაშვილმა თავი კართაგენასთან გამოიჩინა. ლევანტემ 3:0 მოიგო, ქოჩორამ გოლი 71-ე წუთზე გაიტანა.
ლა ლიგა 2-ში გაიბრწყინა გიორგი წიტაიშვილმაც. გრანადამ ფეროლი 3:0 დაამარცხა. მატჩის საუკეთესო ფეხბურთელი ქართველი გახდა. წიტაიშვილმა გოლი გაიტანა და საგოლე გადაცემა მიითვალა.
გიორგი ლორიას ომონიამ 2:0 მოიგო, ქართველმა მეკარემ სეზონის საუკეთესო შეხვედრა ჩაატარა და გუნდის წარმატებაში დიდი წვლილი შეიტანა, როცა 10 სეივი გააკეთ ადა კარი მშრალად შეინახა.
შეგახსენებთ, რომ ერთა ლიგის B დივიზიონში დასარჩენ ფლეი-ოფის მატჩს 20 და 23 მარტს სომხეთის წინააღმდეგ ჩაატარებს,
