მას შემდეგ რაც ცნობილი გახდა, რომ 2025 წლის სეზონისთვის ლუის ჰემილტონი ფერარიში გადავა, სოციალურ ქსელში განცხადება იტალიური გუნდის პილოტმა, კარლოს საინსმაც გაავრცელა.
"2024 წლის სეზონის ბოლოს ჩემი და ფერარის გზები გაიყრება. წინ გრძელი სეზონი გველოდება და როგორც ყოველთვის, გუნდისთვის და გულშემატკივრებისთვის 100%-ით დავიხარჯები. სიახლე ჩემს კარიერასთან დაკავშირებით უახლოეს მომავალში გავრცელდება" - ნათქვამია ესპანელი მრბოლელის განცხადებაში.
კარლოს საინსმა გასულ სეზონზე ფერარის ბოლიდით 1 რბოლის მოგება მოახერხა, ჯამში 200 ქულა დააგროვა და მე-7 ადგილზე გავიდა.
საინსი: "2024 წლის სეზონის ბოლოს ფერარის დავტოვებ"
