"ყვითლების" შემტევ ნახევარმცველს აქებს არაერთი საფეხბურთო ექსპერტი, BBC კი მას ჩემპიონშიპის საუკეთესო ფეხბურთელს უწოდებს. მისთვის შედეგიანი აღმოჩნდა 2025 წლის პირველი მატჩიც ქუინს პარკ რეინჯერსის წინააღმდეგ, რომელშიც ჰერტფორდშირელთა მე-8 ნომერმა საკუთარ ანგარშზე ასისტი მიითვალა.
25 წლის შემტევ ნახევარმცველს მიმდინარე სეზონში უკვე ორი გოლი და ექვსი საგოლე გადაცემა დაუგროვდა. ამ ყველაფრის მიუხედავად, Transfermarkt-ი ჩაკვეტაძეს სულ რაღაც €4 მილიონად აფასებს. ჩემპიონშიპის ყველაზე ძვირადღირებულ მოთამაშეთა სიაში ის 98-100 პოზიციებს 2 ფეხბურთელთან ერთად იყოფს.
რაც შეეხება კლუბის პოზიციას, ქართველ შემტევ ნახევარმცველს "ოქროს ბიჭები" 20-25 მილიონ ევროდ აფასებენ, თუმცა მისი გაყიდვა არ განიხილება. გიორგის კონტრაქტი ვიკარიჯ როუდის ბინადრებთან გათვლილია 2029 წლამდე და კლუბი პრემიერ ლიგაში აღზევებას სწორედ მასთან ერთად გეგმავს.
