როგორც მოგეხსენებათ, კრიშტიანუ რონალდუმ საკუთარ თავს ისტორიაში საუკეთესო და სრულყოფილი ფეხბურთელი უწოდა. გულშემატკივრებმა მომენტალურად გაიხსენეს ლეო მესი, რომელსაც ორი წლის წინ, მსგავს თემაზე კითხვა დაუსვეს. ოქროს ბურთის 8-გზის მფლობელი საკუთარ თავს საუკეთესოდ სულაც არ მიიჩნევს.
"ადრეც მითქვამს და ახლაც გავიმეორებ - არ ვიცი, ვარ თუ არა ყველა დროის საუკეთესო ფეხბურთელი. ეს კითხვა ჩემთვის საერთოდ უადგილოა. ის ფაქტი, რომ მაყენებენ საუკეთესოთა რიცხვში, ჩემთვის უკვე საჩუქარია. ეს ყველაფერი ნამდვილად განსაკუთრებულია. საუკეთესოობაზე ოცნებობს თითოეული ბავშვი, ასე ვიყავი მეც.
ჩემთვის ძალიან საამაყოა ის ფაქტი, რომ ვინმესთვის შეიძლება ყველა დროის საუკეთესო ვიყო", - განაცხადა არგენტინელმა შემტევმა ორი წლის წინ. შეგახსენებთ, რომ ბარსელონას ყველა დროის საუკეთესო გოლეადორი ინტერ მაიამის შემადგენლობაში ახალი სეზონისთვის ემზადება. მას წინ ასევე ელის საკლუბო მუნდიალი, ერთი წლის შემდეგ კი სანაკრებოც.