მატჩის შემდგომ პრესკონფერენციაზე კრაიოვას ახალმა მწვრთნელმა მირელ რადოიმ კლუბის ქართველ ფეხბურთელზე ანზორ მექვაბიშვილზე კომენტარი გააკეთა.
“ალექსანდრუს და ანზორის შესაძლებებისა და მათი კლასის შესახებ საუბარი შორს წაგვიყვანს, თუმცა არსებობს პრობლემა, რის გამოც ძირითადში მათი ერთად დაყენებისგან თავი შევიკავე. არც ჩიკალდაუ და არც მექვაბიშვილი 90 წუთის სათამაშოდ მზად არ არიან, ამიტომ მივმართე როტაციას.”
საინტერესოა, რომ მექვაბიშვილი გუნდის მნიშვნელოვანი აქტივია. მიუხედავად ამ სეზონში ორი ტრავმისა, მისი სტატისტიკა გამორჩეულია. მექვაბიშვილმა 2024/25 სეზონში 13 მატჩში მიიღო მონაწილეობა, აქედან 9-ჯერ ძირითად შემადგენლობაში იყო.
მექვაბიშვილის შეფასებები ბოლო მატჩებში ასე გამოიყურება:
LaGazzetta.ge რუმინეთში ადგილობრივ ჟურნალისტსა და ექსპერტს დაუკავშირდა.
ემანუელ როსუ: "ანზორის მიმართ მოლოდინი დიდი იყო, როდესაც ის კლუბს შეუერთდა. კრაიოვაში თითქმის შეუძლებელია ერთსულოვანი გადაწყვეტილების მიღება მოთამაშესთან დაკავშირებით, რადგან კრაიოვა მშფოთვარე და ტურბულენტური კლუბია. მაგრამ, თითქმის ყველას სჯერა, რომ ანზორი არის გუნდის მნიშვნელოვანი შენაძენი და ფეხბურთელი, რომელიც კრაიოვას წარმატებას მოუტანს მომდევნო რამდენიმე წლის განმავლობაში. მე მჯერა, რომ ის არის ფეხბურთელი, რომელსაც შეუძლია კრაიოვას ძალიან დაეხმაროს. ის ისეთი ნახევარმცველია, რომელსაც რუმინეთში იშვიათად ნახავთ. სამწუხაროდ, ტრავმების გამო ის ვერ ახერხებდა მაქსიმალურ ფიზიკურ მდგომაროებაში ყოფნას, მაგრამ ვიცი, რომ კრაიოვას გულშემატკივრები და მფლობელი მას აფასებენ.
ის სერიოზული ბიჭია და ახალ მწვრთნელს, მირელ რადოის, მოსწონს ამ პროფილის მოთამაშეები. რაც შეეხება მწვრთნელის უნარებს, რადოი ძალიან კარგია, თითქმის ყველა მოთამაშე, ვისთანაც მისაუბრია, მეუბნებოდა, რომ სიამოვნებდა მისი სავარჯიშო პროცესი. ერთადერთი პრობლემა სიჯიუტე და საფეხბურთო დიპლომატიის ნაკლებობაა. ის ხშირად იღებს ფიცხ გადაწყვეტილებას და შემდეგ ნანობს. იასისთან მისთვის სადებიუტო მატჩი იყო და ბუნებრივია, რომ ენდო იმ ფეხბურთელებს, ვისთანაც წარსულში თამაშის გამოცდილება ჰქონდა, მაგალითად სკრეჩუსა და ჩიკალდაუს.
ანზორი ტრავმიდან ახალი დაბრუნებულია, თამაშიდან თამაშამდე თავს უკეთესად გრძნობს. მე მჯერა, თუ ის ფორმაში შევა, შეძლებს მნიშვნელოვანი მოთამაშე იყოს რადოის ხელმძღვანელობის ქვეშ. კრაიოვა მის ფასეულობას ხედავს, ამიტომ უნდათ მაქსიმალურად გამოიყენონ მისი შესაძლებლობები."
ანზორი ტრავმიდან ახალი დაბრუნებულია, თამაშიდან თამაშამდე თავს უკეთესად გრძნობს. მე მჯერა, თუ ის ფორმაში შევა, შეძლებს მნიშვნელოვანი მოთამაშე იყოს რადოის ხელმძღვანელობის ქვეშ. კრაიოვა მის ფასეულობას ხედავს, ამიტომ უნდათ მაქსიმალურად გამოიყენონ მისი შესაძლებლობები."
