მას შემდეგ, რაც ხვიჩა კვარაცხელიამ ფიორენტინასთან მატჩი გამოტოვა, ქართველი ფეხბურთელი გუნდთან ერთად ვარჯიშს დაუბრუნდა! 23 წლის ვინგერმა ფლორენციაში ვიზიტი ძველი ტრავმისა და კუნთების პრობლემის გამო გამოტოვა, თუმცა როგორც ჩანს მომდევნო ტურისთვის სათამაშოდ მზადაა.
ანტონიო კონტეს გუნდი მომდევნო ტურში ჰელას ვერონას დაუპირისპირდება. მატჩი 12 იანვარს, თბილისის დროით 23:45 საათზე დაიწყება.
ნაპოლი 19 ტურის შემდეგ სერია ა-ს ლიდერია. "პარტენოპეის" 44 ქულა აქვს და მეორე ადგილოსან ატალანტას, 3 ქულით უსწრებს. რაც შეეხება ხვიჩა კვარაცხელიას, ქართველის ანგარიშზე ამ სეზონში 5 გატანილი გოლი და 3 საგოლე გადაცემაა.