"კვარაცხელიას მიმართ ლივერპულის ინტერესის შესახებ თავდაპირველად ორნშტეინმა ისაუბრა. ზამთარში ხშირად ვრცელდება უსაფუძვლო სატრანსფერო ჭორები და კლუბებიც ხმაურიანი გარიგებებისგან იანვარში იკავებენ თავს, მაგრამ ეს სხვა შემთხვევა იყო. "წითლები" ხვიჩას ტრანსფერით მართლაც ინტერესდებოდნენ.
საქმე ისაა, რომ პარის სენ-ჟერმენმა იმოქმედა უფრო ოპერატიულად და ნაპოლისთანაც შეთანხმდა. მერსისაიდელებმა კი ფრანგულ გუნდთან ფინანსურ კონკურენციაზე უარი თქვეს. "სქაუზერთა" ხელმძღვანელობას მოსწონს ქართველი ვინგერის თამაში, მაგრამ აღნიშნული პოზიციის გაძლიერება კლუბის პრიორიტეტი არ ყოფილა", - წერს ბრიტანული გვერდი.
