რაც შეეხება იმ სეზონის მიმდინარეობას, "ლურჯ-ბროწეულისფრები" გახდნენ ლა ლიგის ჩემპიონები, მეორეადგილოსანი მადრიდის რეალი კი ოთხი ქულით ჩამოიტოვეს. ამის გარდა, კამპ ნოუს ბინადრებმა მოიგეს ბაზრობათა თასი და კოპა დელ რეი. იმ გუნდში ბრწყინავდნენ ლუის სუარესი, ევარისტო დე მასედო, სანდორ კოჩიში, ლასლო კუბალა, ზოლტან სიბორი, ხუსტო ტეხადა და სხვები.
აღსანიშნავია, რომ ერერას გუნდი ლა ლიგის ტრიუმფატორი შემდეგ სეზონშიც გახდა. ზოგადად კი ლეგენდარულმა მწვრთნელმა 1958-1960 წლების შუალედში ბარსელონას სულ 4 ტიტული მოაგებინა. ესპანეთიდან წასვლის შემდეგ, არგენტინელი ტაქტიკოსი გადავიდა თავისი კარიერის მთავარ გუნდში, მილანის ინტერში, რომელთანაც 60-იანი წლების ევროპული ფეხბურთის ისტორია დაწერა.
სამი სკუდეტო, ორი ჩემპიონთა თასი და ორი საკონტინენტთაშორისო თასი - ეს ყველაფერი "ნერაძურის" ლეგენდარულმა მწვრთნელმა იტალიაში მუშაობის დროს მოიგო. 1979 წელს, "ჯადოქარი" დაბრუნდა და "ბლაუგრანას" მოაგებინა კიდევ ერთი ტიტული: ისევ კოპა დელ რეი, 1981 წელს.
