თამაში ენფილდზე
"ვიცით, რომ ხვალ რთული მატჩი გველის, მაგრამ ამისთვის მზად ვართ და ვეცდებით, ჩვენი ხასიათი გამოვავლინოთ. ასეთ ისტორიულ სტადიონზე თამაში ჩვენთვის მნიშვნელოვანია. ენფილდზე თამაში ბევრის ოცნებაა და ყველაფერს გავაკეთებთ, რომ აქ სასურველ შედეგს მივაღწიოთ."
ლივერპულთან შანსები
"შანსებს მაინც 50-50-ზე შევაფასებდი. ლივერპულის წინააღმდეგ მოედანზე დომინაცია ადვილი არ არის, ჩვენ ეს შევძელით. ხვალაც ბევრი გულშემატკივარი გვეყოლება, მათი მხარდაჭერა ჩვენთვის მნიშვნელოვანია."
ადაპტაცია პსჟ-ში
"პსჟ-ში თავს კარგად ვგრძნობ, გუნდი ადაპტაციაში კარგად მეხმარება და ვგრძნობ, რომ კიდევ მეტი შემიძლია. ბევრს ვმუშაობ, რათა გუნდს კიდევ ბევრი წარმატება მოვუტანო"
კვარა დრიბლინგზე და ლამაზ მომენტებზე
"ფეხბურთი ძალიან მიყვარს და ვცდილობ ამით სიამოვნება მივიღო და ლამაზი მომენტები შევქმნა. ფეხბურთი მხოლოდ ლამაზი მომენტები არ არის და ჩვენი მიზანია, რომ ტიტულებიც მოვიგოთ."
პსჟ-ს მთავარ მიზანზე
"ლივერპულთან ისევ ისე უნდა ვითამაშოთ, როგორც პარიზში და ვფიქრობ, ყველაფერი შესაძლებელია. სეზონის ყველაზე მნიშვნელოვანი მატჩი გველის, რადგან პსჟ-ს ერთ-ერთი მიზანი ჩემპიონთა ლიგის მოგებაა. ამისთვის, ჯერ 1/4 ფინალში უნდა გავიდეთ."
წაგების შემდგომი ემოციები
"პირველ მატჩში მარცხით გულდაწყვეტილები ვიყავით, მაგრამ მეორე დღეს, გასახდელში ერთმანეთს ვუღიმოდით და მთელი კონცეტრაცია უკვე შემდეგ თამაშზე გვქონდა."
ხვიჩა თავის იდელაურ პოზიციაზე
"პსჟ-ს შეტევაში როცა თამაშობ, მიზანი მხოლოდ გოლების გატანაა და არ აქვს მნიშვნელობა, რომელ ფლანგზე გიწევს ყოფნა. ჩემი მიზანია, რომ გუნდს წარმატებაში დავეხმარო და არ აქვს მნიშვნელობა, სად ვითამაშებ."
რა არის საჭირო ლივერპულის დასამარცხებლად?
"პირველ შეხვედრაში უამრავი მომენტი გვქონდა და გოლი ვერ გავიტანეთ. ხვალინდელ შეხვედრაში წარმატების მისაღწევად საჭიროა, რომ რაც შეიძლება მეტი მომენტი გამოვიყენოთ და გოლები გავიტანოთ"
