კონფერენს ლიგაზე დინამო თბილისი მორნარ ბართან ორი მატჩის ჯამში 3:2 დამარცხდა და ასპარეზობას გამოეთიშა. მატჩის შემდეგ კომენტარი დინამოელთა მთავარმა მწვრთნელმა ფერდინანდ ფელდჰოფერმა გააკეთა.
"პირველი მატჩის შემდეგ ველოდებოდით, რომ რთული თამაში იქნებოდა და ასეც მოხდა. წითელმა ბარათმა ყველაფერი შეცვალა და გაართულა. რომ არა ეს, შესაძლოა, ყველაფერი სხვაგვარად ყოფილიყო.
ახალგაზრდული გუნდი ვართ, ჩვენი სამომავლო ამოცანა ამ ახალგაზრდების კარგად გაზრდა და დადებითი შედეგების დაფიქსირებაა, თუმცა დღევანდელი წარუმატებლობა ამით არ იხსნება.
მიზეზების ძიებისა და თავის მართლების დრო არ გვაქვს. გასვლით მატჩში უამრავი მომენტი შევქმენით და ვერ გამოვიყენეთ, ეს პრობლემა დინამოს ჩემს მოსვლამდეც ჰქონდა. მომენტების რეალიზებაზე სამუშაო გვაქვს და წარუმატებლობის ერთ-ერთი მიზეზი და პრობლემა სწორედ ეს არის.
როგორც უკვე ვთქვი, კარგი ახალზრდები გვყავს, რომელთაც დიდი ფეხბურთის თამაშის პოტენციელი აქვთ. ამისთვის ბევრი მუშაობაა საჭირო მოედანზეც და მოედნის გარეთაც", - განაცხადა დინამოს მწვრთნელმა.
