ოთხი მედალი მოიპოვეს ქართველმა სუმოისტებმა მსოფლიოს ჩემპიონატზე. შეჯიბრება ტაილანდში გაიმართა.
მსოფლიოს პირველობაზე საქართველოს სუმოს ეროვნულმა და ასაკობრივმა ნაკრებებმა სამი ვერცხლისა და ერთი ბრინჯაოს მედალი მოიპოვეს.
ვერცხლის მედალი სენიორებს შორის ლაშა ჯელაძემ (+115 კგ)მოიპოვა, ასევე ვერცხლის მედალის მფლობელი გახდა გუნდურ დაპირისპირებაში ეროვნული ნაკრებიც, რომელმაც ფინალი იაპონიის ნაკრებთან ანგარიშით 1:2 წააგო.
18 წლამდე სუმოისტებს შორის ვერცხლი დავით აბალაკმა (+100 კგ), ბრინჯაოს მედალი კი ავთო ლიკლიკაძემ (-80 კგ) მოიპოვა.
