პერუში მიმდინარე 17 და 20 წლამდე ძალოსანთა მსოფლიო ჩემპიონატზე საქართველოს ნაკრებმა ასპარეზობა დაიწყო. ფიცარნაგზე ორი ქართველი გავიდა და ორივემ შეძლო მედლის მოპოვება. საქართველოს 17 წლამდელთა ნაკრებს პირველი მედალი დიმიტრი აბრალავამ (67 კგ.) მოუტანა, 20 წლამდელთა შორის კი გიგა ოდიკაძემ ატაცსა და ორჭიდში ბრინჯაოს მედლები მოიპოვა.
აბრალავამ ატაცში თავი 109 / 113 / 117 კგ. დაძლია და მე-4 ადგილზე გავიდა, აკვრაში 141 / 145 / 147 კილოგრამით ვერცხლის მედალი მოიპოვა და ვიცე-ჩემპიონობა იზეიმა. ქართველმა ორჭიდში დაგროვებული 264 კილოგრამით, მე-4 პოზიციაზე გავიდა.
20 წლამდელთა შორის გიგა ოდიკაძე (61 კგ.) მთავარი მწვრთნელის, მალხაზ ლომთაძის ხელმძღვანელობით, ატაცში 120 / 123 კგ. დაძლია და ბრინჯაოს მედლის მფლობელი გახდა. აკვრაში დაფიქსირებული 140 / 147 კილოგრამით მე-6 ადგილი დაიკავა, ხოლო ორჭიდში 270 კილოგრამით, კიდევ ერთი ბრინჯაოს მედალი დაისაკუთრა.
