სტარტი აიღო 2025 წლის ავსტრალიის ღია პირველობის საკვალიფიკაციო ეტაპმა, სადაც ორი ქართველი ჩოგბურთელი იღებს მონაწილეობას.
კვალიფიკაციის 1/4 ფინალში ნიკოლოზ ბასილაშვილმა და მარიამ ბოლქვაძემ წარმატებით იასპარეზეს და შემდეგ ეტაპზე გავიდნენ. ძირითად ბადეში მოსახვედრად კი კიდევ ორი მატჩის მოგებაა საჭირო.
მარიამ ბოლქვაძის მეტოქე ხორვატი ანტონინა რუზიჩი იყო, რომელსაც 3 სეტში (3-6, 6-3, 6-3) აჯობა და 1/2 ფინალის საგზური მოიპოვა, სადაც ფრანგ იანიჩიევიჩს დაუპირისპირდება. ნიკოლოზ ბასილაშვილმა კი ავსტრალიელი კრუზ ჰევიტი 2 სეტში (6-1, 6-4) დაამარცხა და საკვალიფიკაციოს ეტაპის ფინალის საგზურისთვის რუს ალიბეკ კაჩმაზოვს შეხვდება.
მარიამ ბოლქვაძის მატჩი 8 იანვარს, თბილისის დროით ღამის 3 საათზე დაიწყება, ხოლო ნიკოლოზ ბასილაშვილი კორტზე 6 საათზე გამოვა.
ქართველების წარმატებული სტარტი ავსტრალიაში — ბოლქვაძე და ბასილაშვილი შემდეგ ეტაპზე გავიდნენ
213461
