UFC-ის მებრძოლმა, შარაბუტდინ მაგომედოვმა ხმაურიანი განცხადება გააკეთა. ის შეეხო საქართველოსა და რუსეთის ურთიერთობას, ასევე დაღესტანის როლსაც ამ ორი ქვეყნის ურთიერთობაში. „მეკობრემ" პერსონალურად მერაბ დვალიშვილს მიმართა.
"დვალიშვილს ისტორიის გაკვეთილები რომ არ გაეცდინა, ეცოდინებოდა, რომ რუსეთი საქართველოს დაღესტანელებისგან იცავდა. ქართველები უნდა უმადლოდნენ რუსეთს, იმის გამო, რომ საქართველო დაღესტანის ნაწილი არ გახდა. სამყაროში მძვინვარებს რუსოფობია და ამიტომ, ჩვენ, მთელი რუსეთი უნდა გავერთიანდეთ და მტერს ვუპასუხოთ.
მათ უნდათ ჩვენი ნაწილებად დაყოფა, თუმცა ამას კარგი არაფერი მოჰყვება. უნდა შევიკრათ ერთ მუშტად, რუსეთი ჩვენი საერთო სახლია", - განაცხადა 30 წლის მებრძოლმა.