პარიზული გუნდის პარალელურად, ჩემპიონობისთვის სერია ა-ში იბრძვის ქართველი შემტევის ყოფილი გუნდი, ნაპოლიც, რომელიც ამ დროისთვის ასევე პირველ პოზიციაზე არის. "პარტენოპეი" უახლოეს მდევარს, მილანის ინტერს 3 ქულით უსწრებს. სეზონის მიმდინარეობისას კი კალჩოს ლიდერმა მოუგო ტურინის იუვენტუსს, მილანსა და ბერგამოს ატალანტას.
ერთი სიტყვით, "ლურჯებს" ჩემპიონობის მართლაც კარგი შანსი აქვთ. ისმის კითხვა - ლუის ენრიკეს გუნდისა და სამხრეთელების ტრიუმფის შემთხვევაში, საქართველოს ეროვნული გუნდის ლიდერი ორივე ტოპ ლიგის ჩემპიონი გახდება? დიახ, ის მიიღებს ოქროს მედალს, როგორც პარკ დე პრენსის ბინადრების მხრიდან, ისე "აძურიდანაც".
იმის გათვალისწინებით, რომ პარის სენ-ჟერმენის შვიდიანმა სეზონის პირველი ნახევარი გაატარა დიეგო მარადონაზე (17 შეხვედრა, 2 გოლი), სასკუდეტო სეზონის მონაწილედ ისიც ჩაითვლება. როგორც ვხედავთ, 23 წლის ვინგერს აქვს იმის შანსი, რომ ერთ სეზონში ერთბაშად ორი ტოპ ლიგის ჩემპიონი გახდეს.
