სერია ა-ს ბოლო ტურში, ნაპოლი კომოსთან დამარცხდა, მატჩის შემდეგ კი ნეაპოლური მედია ანტონიო კონტესა და აურელიო დე ლაურენტისს შორის კონფლიქტზე კიდევ ერთხელ ალაპარაკდა. მხარეებს შორის პირველი დაძაბულობა ჯერ კიდევ იანვრის სატრანსფერო ფანჯრის დასრულების შემდეგ გაჩნდა, როდესაც გუნდი ხვიჩა კვარაცხელიამ დატოვა, მის შემცვლელად კი ნაპოლიმ ნოა ოკაფორი დაიმატა. სწორედ აქედან დაიწყო მხარეებს შორის პირველი დაპირისპირება, როდესაც ანტონიო კონტემ ღიად გამოთქვა პრეტენზია გუნდის სატრანსფერო პოლიტიკაზე.
შემდეგ კი ამ ყველაფერს ზემოთ ხსენებული 4-მატჩიანი მოუგებელი სერიაც დაემატა, რასაც უკვე კლუბის მფლობელის გაბრაზება მოჰყვა. როგორც იტალიურ მედიაში საუბრობენ, თუ ნაპოლი სეზონის ბოლოს ჩემპიონობას ვერ იზეიმებს, ძალიან დიდია იმის ალბათობა, რომ ანტონიო კონტემ "პარტენოპეი" დატოვოს.
შეგახსნებეთ, ანტონიო კონტე სერია ა-ში ყველაზე მაღალანაზღაურებადი მწვრთნელია. ნაპოლი 55 წლის სპეციალისტს, წელიწადში, ბონუსების ჩათვლით €9 მილიონამდე უხდის.
