გუნდში საბრძოლო განწყობაა, მატჩამდე ეროვნული ნაკრების ფეხბურთელებმა და მთავარმა მწვრთნელმა, ირის ანტმანმა ჟურნალისტებთან ისაუბრეს:
ირის ანტმანი (ქალთა ნაკრების მთავარი მწვრთნელი): "ირლანდია ძლიერი გუნდია, უძლიერესი ფეხბურთელებითაა დაკომპლექტებული, ისინი ძლიერ ლიგებში თამაშობენ და ჩემპიონთა ლიგაზე ასპარეზობენ. ჩვენ ხვალ მოედანზე ყველაფერს დავდებთ. ეს ეროვნული ნაკრებია, გოგოების უკან მთელი ქვეყანა დგას, რომელთაც სურთ ნახონ ჩვენი გოგოების წარმატება და თქვან, რომ ქალებიც კარგად თამაშობენ. ჩვენ ყველაფერს გავიღებთ კარგი შედეგისთვის."
ნინო პასიკაშვილი (საქართველოს ნაკრების ფეხბურთელი): "ნაკრებში პოზიტიური განწყობაა, ოპტიმალური შემადგენლობით ვხვდები ირლანდიასთან მატჩს, როგორც ყველა თამაშის წინ, შემართებით ვემზადებით. ეს მატჩი უმნიშვნელოვანესია ჩვენთვის, ღირსების თამაშია, ეროვნული ნაკრების ყველა თამაშზე უდიდესი მოტივაციით გავდივართ. რეალობა ვიცით - მოწინააღმდეგე ძლიერი გუნდია, დაცვითი თმაში მოგვიწევს და ვეცდებით კონტრშეტევები გამოვიყენოთ."
გვანცა ქადაგიშვილი ( საქართველოს ნაკრების ფეხბურთელი): " ჩვენ აქამდე მოვსვლა შევძელით. გუნდში კარგი განწყობაა და ყველაფერს გავაკებთ, სასურველი შედეგისთვის. გულშემატკივრის მხარდაჭერა ძალიან მნიშვნელოვანია, როცა მათი ქომაგობის ხმა გვესმის მოტივაციას გვმატებს და ხვალ გულშემატკივარს უდიდესი მნიშვნელობა ექნება."
საქართველოსა და ირლანდიის მატჩი მიხეილ მესხი 2-ზე 20:00 საათზე დაიწყება, დასწრება თავისუფალია.
საქართველოსა და ირლანდიას შორის პლეიოფის მეორე შეხვედრა ირლანდიაში 29 ოქტომბერს გაიმართება. წყვილში გამარჯვებული მეორე ეტაპზე სლოვაკეთისა და უელსის წყვილში გამარჯვებულს შეხვდება და წარმატების შემთხვევაში, ევროპის ჩემპიონატის საგზურს მოიპოვებს.
ფოტო: საქართველოს ფეხბურთის ფედერაცია
ფოტო: საქართველოს ფეხბურთის ფედერაცია
