როგორც მოგეხსენებათ, კონფერენს ლიგის შესარჩევი ეტაპის მეორე რაუნდის ფარგლებში თბილისის იბერია 1999 შინ ტირანას პარტიზანს მიიღებს. შეხვედრა გაიმართება 25 ივლისს, 20:00 საათზე. მატჩისწინა პრესკონფერენციაზე ალბანური გუნდის დამრიგებელმა, ორგეს შეიმ მოახლოებული თამაშის შესახებ ისაუბრა.
"უკვე მოვაღწიეთ კონფერენს ლიგის საკვალიფიკაციო ეტაპის მეორე რაუნდამდე, ფავორიტებად თავს არ ვთვლით. ამის მიუხედავად, აქ მოსაგებად ჩამოვედით. იბერიას კარგად ვიცნობთ, ორი წლის წინ ამ გუნდის წინააღმდეგ უკვე ვითამაშეთ. ასევე ტირანაში მუშაობის პერიოდში დინამო ბათუმიც ყოფილა ჩემი მეტოქე.
ქართულ ფეხბურთს კარგად ვიცნობ, განსაკუთრებით განვლილი ევროპის ჩემპიონატის შემდეგ. ვფიქრობ ქართული და ალბანური ფეხბურთი განვითარების მხრივ ერთმანეთს ჰგავს", - განაცხადა ალბანელმა დამრიგებელმა.
