პარიზის 2024 წლის ოლიმპიადის პირველ საშეჯიბრო დღეს, საქართველოს დელეგაციიდან 4-მა სპორტსმენმა იასპარეზა.
ოლიმპიურ თამაშებში პირველი მოცურავე ანა ნიჟარაძე ჩაერთო, რომელიც 15 წლის ასაკში ყველაზე ახალგაზრდა ქართველი ოლიმპიელი გახდა და ქართული სპორტის ისტორიაში შევიდა. ბატერფლაი სტილით ცურვის 100 მეტრიან დისტანციაზე მან 28-ე ადგილი დაიკავა და საკვალიფიკაციო ეტაპი ვერ გადალახა.
გიორგი სარდალაშვილი ძიუდოს 60 კგ წონით კატეგორიაში ასპარეზობდა და მედლის ერთ-ერთი მთავარი კანდიდატი იყო. 21 წლის ქართველმა ძიუდოისტმა კარგად დაიწყო და პირველი ორთაბრძოლა ისრაელის წარმომადგენელ იამ ვოლჩაკის წინააღმდეგ დამაჯერებლად მოიგო. 1/4 ფინალში კი მოულოდნელად თურქ იდიზთან დამარცხდა და რეპეშაჟში გადაერთო.
რეპეშაჟის 1/2 ფინალში, გიორგი სარდალაშვილმა სამხრეთ კორეელი კიმი იპონი დაამარცხა და ბრინჯაოს ფინალში გავიდა. მე-3 ადგილისთვის ბრძოლაში, ქართველ ძიუდოისტს ესპანელმა გარიგოსმა მოიგო და სადებიუტო ოლიმპიადაზე გიორგი სარდალაშვილი უმედლოდ დარჩა.
პნევმატური პისტოლეტიდან 10 მეტრიან დისტანციაზე ტყვიის სროლაში საკვალიფიკაციო ეტაპზე მონაწილეობა ლეგენდარულმა ნინო სალუქვაძემ მიიღო, რომელიც მე-10 ოლიმპიურ თამაშებზე ასპარეზობს და კანადელი იან მილარის რეკორდი გაიმეორა.
ქართველმა მსროლელმა საკვალიფიკაციო ეტაპზე 562 ქულა დააგროვა, 38-ე ადგილი დაიკავა და ფინალური ეტაპის მიღმა აღმოჩნდა. ნინო სალუქვაძე 2 აგვისტოს 25 მეტრიან დისტანციაზე ტყვიის სროლის საკვალიფიკაციო ეტაპზე მიიღებს მონაწილეობას.
დრამატულად განვითარდა მოვლენები ფარიკაობაში, სადაც საქართველოს ღირსებას სანდრო ბაზაძე იცავდა, რომელმაც 1/16 ფინალში მექსიკელი ზეა 15-6 დაამარცხა და შემდეგ ეტაპზე გავიდა.
ქართველი მოფარიკავის მეტოქე 1/8 ფინალში ეგვიპტელი მოჰამედ ამერი იყო — ორთაბრძოლა ეგვიპტელმა უკეთ დაიწყო და დიდი უპირატესობა მოიპოვა, თუმცა, სანდრო ბაზაძემ შეხვედრა შემოატრიალა და ანგარიში 14-14 გახდა. გადამწყვეტი ქულა კი მსაჯებმა საკამათო გადაწყვეტილებით ამერს მიანიჭეს და ქართველი სპორტსმენი უმედლოდ დარჩა.
მსაჯების გადაწყვეტილება სანდრო ბაზაძემ გააპროტესტა, თუმცა, გადაწყვეტილება არ შეცვლილა და გამარჯვება ეგვიპტელს დარჩა. LaGazzetta.ge-სთან ექსკლუზიურ კომენტარში საქართველოს ფარიკაობის ფედერაციის პრეზიდენტმა და სანდრო ბაზაძის მამამ, მერაბ ბაზაძემ განაცხადა, რომ მსაჯები კორუმპირებულები არიან და აღნიშნულის შესახებ საერთაშორისო ოლიმპიურ კომიტეტს საპროტესტო წერილი გაუგზავნა.
ოლიმპიურ თამაშებში პირველი მოცურავე ანა ნიჟარაძე ჩაერთო, რომელიც 15 წლის ასაკში ყველაზე ახალგაზრდა ქართველი ოლიმპიელი გახდა და ქართული სპორტის ისტორიაში შევიდა. ბატერფლაი სტილით ცურვის 100 მეტრიან დისტანციაზე მან 28-ე ადგილი დაიკავა და საკვალიფიკაციო ეტაპი ვერ გადალახა.
გიორგი სარდალაშვილი ძიუდოს 60 კგ წონით კატეგორიაში ასპარეზობდა და მედლის ერთ-ერთი მთავარი კანდიდატი იყო. 21 წლის ქართველმა ძიუდოისტმა კარგად დაიწყო და პირველი ორთაბრძოლა ისრაელის წარმომადგენელ იამ ვოლჩაკის წინააღმდეგ დამაჯერებლად მოიგო. 1/4 ფინალში კი მოულოდნელად თურქ იდიზთან დამარცხდა და რეპეშაჟში გადაერთო.
რეპეშაჟის 1/2 ფინალში, გიორგი სარდალაშვილმა სამხრეთ კორეელი კიმი იპონი დაამარცხა და ბრინჯაოს ფინალში გავიდა. მე-3 ადგილისთვის ბრძოლაში, ქართველ ძიუდოისტს ესპანელმა გარიგოსმა მოიგო და სადებიუტო ოლიმპიადაზე გიორგი სარდალაშვილი უმედლოდ დარჩა.
პნევმატური პისტოლეტიდან 10 მეტრიან დისტანციაზე ტყვიის სროლაში საკვალიფიკაციო ეტაპზე მონაწილეობა ლეგენდარულმა ნინო სალუქვაძემ მიიღო, რომელიც მე-10 ოლიმპიურ თამაშებზე ასპარეზობს და კანადელი იან მილარის რეკორდი გაიმეორა.
ქართველმა მსროლელმა საკვალიფიკაციო ეტაპზე 562 ქულა დააგროვა, 38-ე ადგილი დაიკავა და ფინალური ეტაპის მიღმა აღმოჩნდა. ნინო სალუქვაძე 2 აგვისტოს 25 მეტრიან დისტანციაზე ტყვიის სროლის საკვალიფიკაციო ეტაპზე მიიღებს მონაწილეობას.
დრამატულად განვითარდა მოვლენები ფარიკაობაში, სადაც საქართველოს ღირსებას სანდრო ბაზაძე იცავდა, რომელმაც 1/16 ფინალში მექსიკელი ზეა 15-6 დაამარცხა და შემდეგ ეტაპზე გავიდა.
ქართველი მოფარიკავის მეტოქე 1/8 ფინალში ეგვიპტელი მოჰამედ ამერი იყო — ორთაბრძოლა ეგვიპტელმა უკეთ დაიწყო და დიდი უპირატესობა მოიპოვა, თუმცა, სანდრო ბაზაძემ შეხვედრა შემოატრიალა და ანგარიში 14-14 გახდა. გადამწყვეტი ქულა კი მსაჯებმა საკამათო გადაწყვეტილებით ამერს მიანიჭეს და ქართველი სპორტსმენი უმედლოდ დარჩა.
მსაჯების გადაწყვეტილება სანდრო ბაზაძემ გააპროტესტა, თუმცა, გადაწყვეტილება არ შეცვლილა და გამარჯვება ეგვიპტელს დარჩა. LaGazzetta.ge-სთან ექსკლუზიურ კომენტარში საქართველოს ფარიკაობის ფედერაციის პრეზიდენტმა და სანდრო ბაზაძის მამამ, მერაბ ბაზაძემ განაცხადა, რომ მსაჯები კორუმპირებულები არიან და აღნიშნულის შესახებ საერთაშორისო ოლიმპიურ კომიტეტს საპროტესტო წერილი გაუგზავნა.
