2024 წლის პარიზის ოლიმპიადაზე მონაწილეობას მიიღებს კარლოს ალკარასისა და რაფაელ ნადალის ვარსკვლავური დუეტი — ინფორმაცია ესპანეთის ნაკრების მთავარმა მწვრთნელმა დაადასტურა.
პარიზის ოლიმპიადაზე ჩოგბურთის წყვილთა თანრიგის შეჯიბრი მამაკაცთა შორის 27 ივნისს, 1/32 ფინალიდან დაიწყება, ხოლო გამარჯვებული 3 აგვისტოს გამოვლინდება. ამ ეტაპზე დამატებით განრიგი გამოქვეყნებული არ არის.
რაფაელ ნადალს წყვილთა შორის ასპარეზობის საკმაოდ დიდი გამოცდილება აქვს — 38 წლის ჩოგბურთელს წყვილებში 235 მატჩი აქვს ჩატარებული, საიდანაც 150-ის მოგება მოახერხა. კარლოს ალკარასის ანგარიშზე კი მხოლოდ 9 შეხვედრა და 3 მოგებაა.
შეგახსენებთ, რომ ზაფხულის რიგით XXXIII ოლიმპიური თამაშები, რომელსაც საფრანგეთის დედაქალაქი პარიზი უმასპინძლებს, ოფიციალურად 26 ივლისს გაიხსნება და 11 აგვისტოს დასრულდება.
პარიზი 2024: ალკარასი - ნადალის დუეტი წყვილთა თანრიგში იასპარეზებს
210475
