ინდონეზიაში გამართულ მსოფლიოს თასზე საქართველოს პარამოფარიკავე ქალთა ნაკრებმა გუნდურ ხმლით ასპარეზობაში ვერცხლის პრიზიორი გახდა.საქართველოს ქალთა ნაკრები, სადაც ირმა ხეცურიანი, ნინა თიბილაშვილი და გვანცა ზადიშვილი ასპარეზობენ, ფინალში ტაილანდის ნაკრებს დაუპირისპირდა და შეხვედრა ანგარიშით 14:20 დასრულდა.
შეგახსენებთ,სურაკარტა 2025 მსოფლიო თასზე, 3 მედალი მოიპოვეს ქართველებმა ხმლით ინდივიდუალურ ასპარეზობაში. A კატეგორიაში ქართული ფინალი შედგა. ერთმანეთს ნინა თიბილაშვილი და გვანცა ზადიშვილი შეხვდნენ. ჩემპიონობა ნინა თიბილაშვილმა იზეიმა, ვიცე-ჩემპიონი კი გვანცა ზადიშვილი გახდა.
B კატეგორიის ფინალში იასპარეზა ირმა ხეცურიანმა, სადაც ჰონკონგელ ტონგთან ანგარიშით 15:9 წააგო და ვერცხლის მედალი მოიპოვა.
აღნიშნულ ტურნირზე ირმა ხეცურიანმა და ნინა თიბილაშვილმა რაპირით ასპარეზობაში, ბრინჯაოს მედლები მოიპოვეს.
