შტურმ გრაცის ლიდერი, ოთარ კიტეიშვილი ბრუნო პეცაის სახელობის ჯილდოზეა წარდგენილი. აღნიშნული ჯილდოთი ავსტრიის ბუნდესლიგის განვლილი სეზონის საუკეთესო მოთამაშე ვლინდება.
შეგახსენებთ, რომ ქართველი ნახევარმცველი სეზონის საუკეთესო ფეხბურთელად უკვე დასახელდა, თუმცა ეს იყო გამოკითხვა, რომელშიც მონაწილეობას იღებდნენ კლუბის პრეზიდენტები, მწვრთნელები და ფეხბურთელები.
შეგახსენებთ, რომ კიტეიშვილმა გასულ სეზონში მოიგო ავსტრიის ბუნდესლიგა, ასევე ქვეყნის თასიც. სეზონის საუკეთესო ფეხბურთელი დასახელდება 7 ოქტომბერს, ვენაში დაგეგმილ გალა-კონცერტზე.
