წიგნი ეძღვნება ქართველ ოლიმპიურ ჩემპიონ და პრიზიორ, ასევე მსოფლიოსა და ევროპის მედალოსან ქალებს, წიგნში დეტალურად არის აღწერილი როგორც მათი ბიოგრაფიული ცნობები, ასევე სპორტული კარიერის მნიშვნელოვანი მიღწევები. წიგნში სულ გაერთიანდა 23 ნარკვევი სპორტის ოლიმპიურ სახეობებში ყველაზე წარმატებულ სპორტსმენ ქალებზე.
ღონისძიებას ესწრებოდნენ სეოკ-ის , ფიზიკური აღზრდისა და სპორტის სახელმწიფო სასწავლო უნივერსიტეტის ხელმძღვანელები, ვეტერანი სპორტსმენები, თამარ ბალავაძე და მისი ოჯახის წევრები, მედიის წარმომადგენლები და სხვა მოწვეული სტუმრები.
,,ერთი ჩემპიონი ქალის ისტორია“ საქართველოს ეროვნული ოლიმპიური კომიტეტის მხარდაჭერითა და საერთაშორისო ოლიმპიური კომიტეტის ოლიმპიური სოლიდარობის პროგრამული დაფინანსებით გამოიცა.
